Montehermoso Cultural

Montehermoso Cultural

domingo, 10 de enero de 2010

Canciones Populares de Montehermoso en Castuo

A LA SOMBRA DE UN ÁRBOL FRONDOSO

Ven acá y te contaré
la causa de ser morena
que estoy adorandu al sol
y con sus rayus mi quema.

Estribillo......

A la sombra de un árbol frondosu
a la mi morena yo la vi lloral
yo le diji morena graciosa
ven acá, ven acá, ven acá,
y a la sombra de un árbol frondosu
a la mi morena yo la vi de pie
yo le diji morena graciosa
ven acá, siéntate, siéntate.

Ven acá y siéntate aqui
tu en una silla y yo en otra
y entre los dos contaremus
las penas que no son pocas.

Estribillo.....


Si mi corazón te ofendí
malhaya mi corazón,
no lo tengu yo enseñadu
a que me sea traidol.

Estribillo.....

Amanti miu del alma
consuelu del mi querel
quien te juera a dal el agua
cuandu la vas a bebel.

Estribillo......


LA FELISA

Gastas mucha fantasía
y en el moñu muchu airi,
y en los cuernus de la luna
tieni el dinero de tu pairi.

Estribillo......

Que de Madrid ha venidu
la fama del cazadol
en busca de la Felisa
que en la juenti la encontró,
que en la juenti la encontró
sentadita ente la arena,
ella no me diju nada
yo le diji adiós morena.

Eris una rectrachera
que cuandu vas a compral,
todu te cuesta dineru
y dicis que te lo dan.

Estribillo......

Que de Madrid ha venidu
la fama del cazadol
en busca de la Felisa
que en la juenti la encontró,
que en la juenti la encontró
sentadita entre los poyus
ella no me diju nada
yo le diji adiós pimpoyu.

Si tuvieras olivaris
comu tienis fantasias
el ríu del Manzanaris
por tu puerta pasaría.

Estribillo......


ANIMAS DEL PURGATORIO

Las almas del purgatoriu
Por las callis han salidu
Dandu gritus y cramoris
Que las oigan sus amigus.

Si quieris sabel cristianu
lo que las animas penan,
meti la manu en la lumbri
y verás comu te quemas.

Del alma de tu maridu
soy un criadu y me envía,
que me des una limosna
por lo bien que te quería.

Tu padri ya no es tu padri
tu padri ya no es persona,
que es alma del purgatoriu
que anda pidiendu limosna.

El alma de vuestrus padris
quien la pudiera lleval,
comu palomita blanca
a la groria celestial.

Guiadus por una estrella
los tres reyes han salidu,
a ofrecerli mil favoris
al niñu recién nacidu.

Hombris niñus y mujeris
rezal el rosario a coru,
por las ánimas benditas
que están en el purgatoriu.



DONDI VAS MORENITA

Dondi vas morenita
dondi vas a laval
voy a la aceña nueva,
por cima del nogal,
por cima del nogal
por baju del laurel,
dondi vas morenita
dondi vas a bebel.

Morenita morenita,
malhaya tu morenura,
que me tienes en la cama
sin fríu y sin calentura.

Son ya las guenas mozas
son de la vera son
ya no te quieru niña
ya no te quieru no.

Ya no te quieru a ti
que quieru a otra mujer
más bonita que tu
esu se puedi ver,
y esu se puedi ver
y es la pura verdad
que ella me quieri muchu
y yo no la quieru na.

Lavando en el ríu estoy
y no lavu lo que quieru,
la camisa de mi suegra
y el pañuelu de mi dueñu.

Dondi vas morenita.....

Debaju de un laurel verdi
jadi mi novia la cama,
y cuandu se va acostal
cuelga el candil de las ramas.

Son ya las guenas mozas
son de la vera son
ya no te quieru niña
ya no te quieru no.

Desde el artu del castillo
hasta el mediu de la praza
vivi la prenda que adoru
la que mi corazón mata.

Montehermoso: Imágenes para la historia

Montehermoso: Imágenes para la historia

Centenario del cuadro El Mercado de Joaquín Sorolla

Centenario del cuadro El Mercado de Joaquín Sorolla

Historias, leyendas y anécdotas de Montehermoso

Historias, leyendas y anécdotas de Montehermoso

Enlace al Blog Montehermoso Natural

Enlace al Blog Montehermoso Natural
Educación Ambiental, Fauna y Flora, Medio Ambiente, Naturaleza, Ornitológia, Senderismo y Voluntariado Ambiental

Montehermoso Natural Sitio web en Facebook

Flora, Fauna y Aves

El Tiempo en Montehermoso

Buscador de artículos